کوردستان فاوندەیشن ڕێکخراوێکی قازانج نەویست و ناحکومییە لە هەرێمی کوردستانی عێراق کە کاردەکات لەسەر بەهێزکردنی لێهاتووی و توانای گەنجان و پێشخستنی پەروەردە هەروەها لووتکەی جیهانیی لاوان-کوردستان ٢٠٢٦ی رێکخستووە.
کاتێک خەڵک هەست دەکەن بە کۆمەڵگاکانیانەوە پەیوەستن و وەک خۆیان دەناسرێن و لە ڕێگاکەیاندا پشتگیری دەکرێن، بناغەی پێشکەوتن دادەنرێت.
دامەزراوەکە لە ڕێگەی سێ کۆڵەگەوە بەشداری لە گەشەی کوردستاندا دەکات: پەیوەستبوون و بنیاتنان و پێگەیشتن. کارەکانی لە ڕێگەی شەش پلاتفۆرمەوە بەڕێوە دەچن، Volunteer.KRD و Jobs.KRD و Climate.KRD و Empower.KRD و 10 Problems 10 Solutions و ناوەندی گەنجان، کە دەگەنە گەنجان لە سەرانسەری هەرێمدا. هەروەها خاوەنی پێوانەیەکی فەرمیی جیهانیی گینێسە.
کۆمەڵگایەکی بەردەوام و گشتگیر و بەهێز لە سەرانسەری هەرێمی کوردستاندا.
پێشکەشکردنی بەرنامەگەلێک کە تاکەکان بەهێز دەکەن و ژینگە دەپارێزن و لە ڕێگەی پەروەردە و هەلی کار و بەشداریی کۆمەڵایەتییەوە توانا بنیات دەنێن.
پەرەپێدانی گشتگیری و یەکگرتوویی کۆمەڵایەتی.
پەرەپێدانی توانا و بەهێزکردنی خەڵک.
هاندانی هاووڵاتیبوونێکی چالاک و بەرپرسیار.
پلاتفۆرمەکان بەردەوام لەگەڵ هەروەها بۆ گەنجانی هەرێمی کوردستان کار دەکەن و هەر یەکەیان تایبەتمەندە بە بوارێک.
ناوەندی گەنجان گەورەترین و پێشکەوتووترین ناوەندی گەنجانە لە هەرێمی کوردستان و عێراقدا، کە وەک شوێنێکی گشتگیر بۆ فێربوون و پەیوەندی بەستن و گەشەکردنی توانا و لێهاتوویەکان کاردەکات، لەگەڵ دابینکردنی شوێنی تایبەت بۆ ڕاهێنان و چالاکی و کۆمپانیا تازە دامەزراوەکان و پرۆژە کۆمەڵایەتییەکان.
لە لووتکەکەداماڵی لووتکەکە و شوێنی زۆربەی دانیشتنەکانی.
Empower.KRD کار لەسەر ڕاهێنان و پشتگیریی پەروەردەیی بۆ گەنجان و خێزانەکان دەکات. پرۆژە هەرە بەرچاوەکانی بریتین لە داهێنان بۆ هیوا و ئەپێکی خۆڕایی بۆ گۆڕینی دەقی کوردی بۆ دەنگ تایبەت بە کەسانی کەمبین و نابینا، هەروەها ئەپی ئی-هەڵسەنگاندن لەگەڵ وەزارەتی پەروەردە و پاڵەوانێتیی دیبەیتی کوردستان و پلاتفۆرمی فێربوونی qutabxanekem.krd.
لە لووتکەکەداتەوەرەکانی پەروەردە و گۆڕانکاریی دیجیتاڵی دادەڕێژێت.
Jobs.KRD دەستپێشخەرییەکی نوێخوازە کە کار لەسەر بەیەکگەیاندنی کارخواز و خاوەنکارانە لە گەڵ چەندین خزمەتگوزاری وەک ڕاهێنانەکانی پەرەپێدانی کاری تازە و بازرگانی و نووسینی سیڤی و ئامادەکاری بۆ چاوپێکەوتن و لێهاتووییە دیجیتاڵییەکان و گەشەپێدانی کەسی.
لە لووتکەکەداخاوەنکاران و گەنجانی کارخواز دەهێنێتە تەوەری داهاتووی کار.
خۆبەخشان بەو دەرفەتانەوە دەبەستێتەوە کە لە ڕێکخراو و کۆمپانیاکانی سەرتاسەری کوردستاندا بەردەستن. وە کار دەکات بۆ بەهێزکردنی بەشداریی چالاکانە و دروستکردنی کاریگەریی بەکۆمەڵ. پلاتفۆرمەکە وەک هاندەرێک بۆ گۆڕانکاریی ئەرێنی و بونیادنانی داهاتوویەکی گەشتر کار دەکات لە ڕێگەی ئاسانکاریکردن بۆ پەیوەندییەکان و برەودان بە کاری خۆبەخشی.
لە لووتکەکەداخۆبەخشیی لووتکەکە لە ڕێگەی ئەپی Volunteer.KRD بەڕێوە دەچێت.
Climate.KRD پڕۆژەیەکی تایبەت بە ژینگە و کەش و هەوایە کە کار لەسەر دەستپێشخەرییەکان بۆ چاکسازی ژینگەیی و ئاستەنگەکانی کەشوهەوا دەکات لە ڕێگای چالاکی و پڕۆگرامی تایبەت بۆ بونیادنانی نەوەیەکی هۆشیار و سەرکردە کە ڕۆڵێکی کارایان هەبێت لە پاراستنی ژینگە و ڕووبەڕووبوونەوەی گرفتەکانی گۆڕانی کەشوهەوادا.
لە لووتکەکەداسەرپەرشتیی تەوەری کەشوهەوا و گەشەپێدانی بەردەوام دەکات.
دەستپێشخەرییەکی کوردستان فاوندەیشنە کە تیایدا گەنجانی داهێنەر یارمەتی دەدرێن کە ئاستەنگەکانی کۆمەڵگاکانیان دەستنیشان بکەن و چارەسەری کرداریان بۆ بدۆزنەوە. مانگانە گرووپەکان کار لەسەر چارەسەرکردنی کێشە ڕاستەقینەکان لە کەرتە جیاوازەکاندا دەکەن و بە ڕێنمایی و پشتگیریی دارایی بیرۆکەکان دەگۆڕن بۆ پرۆژە.
لە لووتکەکەدالە ڕۆژی دووەمدا سەرپەرشتیی تاقیگەی کاری نیشتمانی و سەکۆی جیهانی دەکات.
گەورەترین و پێشکەوتووترین سەنتەری گەنجان لە هەرێمی کوردستان و عێراقدا: شوێنێک کە خەڵک بۆ فێربوون و پەیوەندی و گەشەکردن، بە شێوەی کەسی و پیشەیی، ڕووی تێدەکەن.